Morbi: રેલવે ટ્રેકની બાજુમાં પાણી ભરાયેલા ખાડામાંથી મળ્યો મૃતદેહ, અર્ધનગ્ન હાલતમાં મળી ડેડબોડી

મોરબીઃ મોરબી શહેરના નવલખી રોડ પર આવેલી રેલવે ફાટકની આગળ ટ્રેકની બાજુના ભાગમાંથી અજાણ્યા યુવાનનો મૃતદેહ મળી આવ્યો છે.પાણી ભરાયેલા ખાડામાંથી અર્ધનગ્ન હાલતમાં યુવાનની ડેડબોડી મળતા અનેક તર્ક-વિતર્ક ચર્ચાઈ રહ્યા છે. સમગ્ર બનાવ અંગે જાણ થતા મોરબી સિટી એ ડિવિઝન પોલીસે તપાસ શરૂ કર દીધી છે. મૃતદેહને પોસ્ટમોર્ટમ માટે મોકલી દેવામાં આવ્યો છે. જ્યારે યુવાનની ઓળખ કરવા માટે પોલીસે તજવીજ શરૂ કરી છે. સ્થાનિકો દ્વારા આ ડેડબોડી અંગે પોલીસને જાણ કરવામાં આવી હતી.અર્ધનગ્ન હાલમાં મળી આવેલા યુવાનના મૃતદેહ અંગે હજુ સુધી કોઈ ઓળખ પોલીસને મળી નથી.આ અંગે પોલીસ તપાસ કરી રહી છે.